مطبوعاتی اعلامیه.

کابل۲۴/۱۱/ ۲۰۱۰م

دافغانستان دازاد وعادلانه ټاکنو بنسټ(فیفا) چی ۱۳۸۹ کال دولسی جرګی دټاکنود بیلابیلو پړاونولکه : دنوماندانونوم لیکنه،دشکایاتوڅیړنه اوبیا دوروستیو پایلوتردمه دغه پروسه دیوځانګړی میکانیزم له مخي په دقیقه توګه څارلي چه دیو لړبې نظمیواوګډوډیوشاهده وه. او پدی اړوندیې خپل راپورونه په منظمه توګه مربوطه مراجعوسره شریک کړی دي.

د۱۳۸۹کال دولسی جرګي دټاکنو دورستیو پایلو اعلان دټاکنو اړونده ادارولپاره یوارزښتناکه موقع اوفرصت  په لاس ورکوي،ترڅودټاکنیزنظام په اصلاح کي خپله ژمنتیا په ډاګه کړي.

دټاکنو دنظام داصلاح په موخه دهڅو پیل په داسي حال کي چی دولسی جرګی دټاکنو پروسه پاي ته رسیدلي کولای شي چه په هیوادکي ددیموکراسي دپیاوړتیا لپاره یوارزښتناکه ګام وبلل شي.

د۱۳۸۹کال دولسی جرګی دټاکنودورستیو پایلو په اړوند دنوماندانو اورایې ورکونکوسره دبی عدالتی احساس داجوته وی چه دټاکنو دنظام اصلاح یواړین امردي، دټاکنو نظام باید داسي اصلاح شي:

ترڅودټاکنو اړونده اداری خپل قانون مسوولیتونه په زیات روڼتوب سره سرته ورسوي.

نیوکو او شکایتونو ته درسیدني میکانیزم په ځانګړی توګه هغه شکایتونه چی دناقانونه وسلوالوګروپونوسره دنوماندانو تړاو اویاهم هغه شکایتونه چی دټاکنواداروناقیصو اجراتو څخه رامینځ ته کیږی باید اصلاح شې.

همدارنګه څارونکو او دنوماندانو استازو ته باید پروسي ته دلاس رسي په لاره کي ...

کابل ،افغانستان ۲۹ میزان ۱۳۸۹

د۱۳۸۹ کال دولسی جرګي لومړیو پایلو وښوده چي شکایتونه په دقیقه توګه بررسې او څیړنې ته اړتیالرې ، په افغانستان کې دآزاد او عادلانه ټاکنو بنسټ (فیفا)  دپنجشنپی په ورځ څرګنده کړه .

دټاکنو خپلواک کمیسیون دټاکنو لومړنۍ پایلې دمیزان په ۲۸ نیټه اعلان کړي ،دغه پایلي ددی څرګندونه کوي چی له یومیلیون څخه زیاتي رایی بي باوره او درایو دشمیرڅخه ویستل شوی دي.  فیفا دټاکنو دخپلواک کمیسیون دهرهغه ګام اوکار چی دخلکو دمشروع رایو څخه دملاتړ سبب شي ستاینه کوي .

دټاکنو دشکایتونو کمیسیون دی دټاکنوڅخه وروسته د راپورته کیدونکو شکایتونو او له قانون څخه دسرغړونو  په اړه غوڅ او چټک ګامونه پورته کړی، او په هم دی ډول نړیواله ټولنه هم باید په ټاکنو کې په احتمالی  درغلیو او شکایتونو سترګی پټی نه کړي  .

دپنجشنبی په ورځ باندی چه د ۱۶/۹/۲۰۱۰ نیټی سره سمون خوری  فیفا داسی څرګندوني وکړي :

داسد له ۲۴ څخه تر دسنبلی ۳ نیټی پوری دفیفا څارونکو په ټول هیواد کې له قانون څخه دسرغړونې ۵۸۳ موارد یاداشت کړي دی ، پدی سرغړونوکې داهم راغلي دی چه دهیواد په زیاتو برخوکې دولتی مسوولینو له ځانګړو نوماندانو څخه په ښکاره توګه ملاتړ کړی اود هغوی سره یی مرسته کړی، له دولتی امکاناتو څخه په ګټی اخستنی سره په دولتی یونیفارم کې هم دنوماندانو لپاره کمپاین شوی دی .

دفیفا اجرایوی  رئیس  پدی هکله داسي وویل:  زه پدی اړوند  دشکایتونو دکمیسیون په کمزورو او غیری قانع کوونکو اقداماتو دسختی نا امیدی او تاسف اظهار کوم.البته په ځینو مواردو کې دکم شمیرنوماندانو سره دکمیسیون لخوا قانونی برخورد شویدی او دپاتی نورو پرخلاف کوم قانونی ګام ندی پورته شوي. دټاکنوڅخه وروسته باید دشکایتونو کمیسیون د رامینځ ته کیدونکوشکایتونو اواړونده ستونزوته درسیدو لپاره بشپړچمتوالی ونیسي.